Kupa e Botës për Klube nuk ka mbaruar ende, por Real Madrid, i cili ka arritur në gjysmëfinale, tashmë po mendon për sezonin e ardhshëm. Klubi i Florentino Perez i ka kërkuar federatës spanjolle të shtyjë ndeshjen debutuese në La Liga kundër Osasuna.
Java e parë e ndeshjeve të kampionatit spanjoll është planifikuar për datat 16 dhe 17 gusht. Madje ndeshja Real-Osasuna ishte planifikuar për të marten, 19 gusht, pikërisht për shkak të Kupës së Botës për Klube.
Por kjo shtyrje 48 orëshe nuk mjafton për “los blancos”. Klubi madrilen ka kërkuar ta shtyjnë atë në tetor, në mënyrë që të kenë një javë shtesë për t’u rikuperuar pas turneut amerikan./telesport/
