Trajneri i Gjermanisë, Julian Nagelsman, ka bërë sot publike listën për ndeshjet kualifikuese të Botërorit 2026 që ekipi luan ndaj Sllovakisë dhe Irlandës së Veriut. Meqë Gjermania ishte e përfshirë në finalet e Ligës së Kombeve, këto janë ndeshjet e para të kualifikuesve për të dhe i duhet të bëjë mirë menjëherë.
Ajo që ra në sy ishte mungesa në listë e Leroi Sane. Nagelsman shpjegoi se ky vendim kishe ardhur pasi sulmuesi luante tashmë në kampionatin turk me Gallatasarajn. “Mendoj se ai tashmë luan në një kampionat që është pak më i keq se ato kryesoret në Europë. Mendoj se i duhet që të spikatë më shumë atje.
Ai ka shënuar një gol e ka dhënë një asist, por i duhet të ketë më shumë ritëm. Nuk pres mrekulli, ia kam komunikuar. Por duhet të përmirësojë numrat në shënimin e golave. Duhet të kontribuojë më shumë dhe atëherë do të jetë një kandidat për ne”, tha Nagelsman.
Emrat e rinj në listë nuk mungonin as këtë herë me portierin Fin Dahmen të Augsburgut, mbrojtësin Namdi Kollins të Eintraht Frankfurt dhe mesfushorin Paul Nebel të Mainz që ftohen për herë të parë. “Kemi edhe Noah Atubuolu të gatshëm”, tha Nagelsman.
LISTA
Portierë: Oliver Bauman, Fin Dahmen, Aleksander Nybel
Mbrojtës: Robert Andrih, Valdemar Anton, Namdi Kollins, Robin Koh, Maksimilian Mitelshtad, David Raum, Antonio Rydiger, Xhonatan Tah
Mesfushorë: Karim Adejemi, Nadiem Amiri, Serzh Gnabri, Leon Goretcka, Pascal Gros, Xhoshua Kimish, Xhemi Leveling, Paul Nebel, Angelo Stiler, Florian Virtz
Sulmues: Niklas Fyllkrug, Nik Voltemejd
