Nga Endri ÇINARI
Vllaznia po përgatit plot seriozitet ndeshjen e javës së dytë në kampionat, ku shkodranët do jenë në transfertë përballë Dinamos. Një duel i vështirë për kuqeblutë ndaj kryeqytetasve, ku të besuarit e Martinit do kërkojnë të vijojnë me paraqitjet pozitive dhe rezultatet pozitive pas debutimi me fitore kundër Egnatias në shifrat 2-0. E pikërisht trajneri shkodran duket se do i besojë formacioni fitues ndaj rrogozhinasve edhe ndaj Dinamos.
Kështu duket se 50-vjeçari i qëndron idesë që formacioni fitues nuk ndryshohet. Ndaj Dinamos kështu nga porta pritet ta nisë sërish Jukaj, që bindi ndaj Egnatias. Në mbrojtje po ashtu nuk pritet të ketë ndryshime në rreshtimin me 3, ku emra si: Bajrami, Kuros dhe Gjini. E ndërsa nga krahët në të djathtë priter Gurishta e ndërsa majtas si zakonisht Jago. Mesfusha është reparti ku mund të ketë ndonjë dilemë pas rikthimit të Krymit, pavarësisht se Dros duket në avantazh ndaj shkodranit për një fanellë titullari.
Teksa repartin do e kompletojnë edhe Qato e Mala, me këtë të fundit që do jetë disi më i avancuar. Në sulm si gjithmonë do udhëheqë Balaj, me shtatlartin që do ketë mbështetjen e Muratajt. Me këtë të fundit që ishte një ndër më të mirët në fushë ndaj Egnatias dhe që momentalisht duket se fiton duelin me Kastratin. Ky pritet të jetë formacioni i mundshëm i shkodranëve, duke përjashtuar ndonjë surprizë të Martinit në minutat e fundit para nisjes së sfidës.(www.shkodrasport.com)
Formacioni:
Jukaj
Bajrami-Gjini-Kuros
Gurishta – Mala – Dros (Krymi) – Qato – Jago
Balaj – Murataj (Kastrati)
