Erik Ten Hag është favoriti kryesor për t’u ulur në stolin e Bajer Leverkusen. Klubi gjerman po studion mundësitë për pasuesin e Çabi Alonsos dhe holandezi ka kaluar në krye të listës.
Një kthesë e papritur kjo për Ten Hag, i cili ishte përfolur për kthimin te Ajaksi ku spikati. Kujtojmë se 55-vjeçari ishte për herë të fundit pjesë e Mançester Junajtid.
Gjigantët e Premier Ligë e shkarkuan në tetorin e kaluar pas rezultateve zhgënjyese. Ten Hag u emërua trajner te Junajtid në verën e vitit 2022 duke numëruar plot 128 ndeshje. Periudhën më të gjatë si trajner e kishte te Ajaks.
Nga viti 2017 deri në vitin 2022 ishte pjesë e klubit holandez. Në Gjermani ndërkohë do të ishte rikthim pas 10 vitesh. Kjo pasi për 72 ndeshje qëndronte më parë në krye të ekipit të dytë të Bajern Mynih.
