Tek Teuta e kane marre me “vrull”. Pas prezantimit te presidentit te ri, trajnerit dhe drejtorit sportiv, nga sot ka nisur puna dhe per forcimin e skuadres me lojtare cilesore. Dhe madje diten e sotme ka prezantuar tre perforcimet e para qe ka bere. Behet fjale per dy futbollistet te cilet kane qene pjese e Tiranes, Gentian Selmani dhe Florian Pergjoni si dhe per Harallamb Qaqin qe ka luajtur sezonin e kaluar me Elbasanin.
Gentian Selmani ka spikatur ndër vite në Kategorinë Superiore dhe jashtë saj dhe tashmë do të mbrojë ngjyrat blu duke nisur nga sezoni i ri. Selmani, me përvojën dhe cilësitë e larta mes shtyllave, pritet të jetë një pikë e rëndësishme për skuadrën durrsake.
Po ashtu, mbrojtësi lezhjan Florian Pergjoni ka firmosur sot me Teutën dhe do të jetë pjesë e skuadrës blu për sezonin 2025-2026! Pergjoni vjen nga Tirana dhe është një nga emrat më të konsoliduar në futbollin shqiptar, me eksperiencë të gjatë në Kategorinë Superiore dhe luan në rolin e mbrojtësit të majtë.
Po ashtu, Harallamb Qaqi është përforcimi i tretë, i cili rikthehet sërish tek Teuta, skuadër me të cilën ka luajtur edhe më përpara. Pas arritjes së marrëveshjes dhe zyrtarizimit të bashkëpunimit, Qaqi është bashkuar që sot me skuadrën në Durrës, ku po zhvillohen përgatitjet për sezonin e ri 2025/2026.
Në ditët në vijim pritet që me Teutën të bashkohen edhe lojtarë të tjerë cilësorë sepse pretendimet e presidentit Troplini dhe stafit të tij duket se do të jenë maksimale.
