Viktor Bonifejs ka zgjedhur të flasë hapur për transferimin e tij të dështuar te Milani.
Sulmuesi i Bajer Leverkusen në një transmetim të drejtpërdrejtë në Twitch, të raportuar nga gazeta nigeriane Punch, iu përgjigj shumë pyetjeve të tifozëve në lidhje me këtë kalim që nuk u realizua.
Kuqezinjtë pasi e ndoqën atë për një kohë të gjatë dhe pasi lojtari iu nënshtrua testeve mjekësore, ka vendosur të ndryshojë drejtim duke rekrutuar Konrad Harder, i cili pritet të vijë në Milano në orët e ardhshme për të konkurruar me Santiago Gimenez për rolin e qendërsulmuesit.
“Në një moment të caktuar, hoqa dorë. Ndërsa të tjerët luanin futboll, unë thjesht po përpiqesha të rikthehesha në të. Pas dëmtimit të dytë të ligamentit të kryqëzuar anterior, as nuk doja të luaja më për shkak të dhimbjes nga i pari dhe asaj që kalova me të dytin. Gjatë asaj kohe, humba edhe nënën time. Milani? Transferimi nuk funksionoi për shkak të dëmtimeve të mia të kaluara. Kam pasur dy dëmtime në gjurin e djathtë dhe është diçka me të cilën kam pasur të bëj për një kohë të gjatë”, deklaroi ai.
