Atletiko Madrid u mposht me shifrat e thella 0-4 nga PSG-ja në ndeshjen e parë në Botërorin e Klubeve.
Në fund të sfidës, trajneri Diego Simeone, shprehu zhgënjimin e tij, por në të njëjtën kohë theksoi se rivalët e tyre padyshim kanë një buxhet të ndryshëm për të shpenzuar krahasuar me pothuajse të gjitha klubet e tjera të mëdha europiane. Ai foli edhe për Grizmanin e Luis Enriken.
“Alvarez luajti si numri 9 dhe Grizman si sulmues i dytë, kritikat ndaj tij nuk ndihmojnë. Grizman pati një shans të shkëlqyer për të shënuar dhe kjo është arsyeja pse e futa në fushë. PSG-ja është një ekip me lojtarë të rinj, por kur Luis Enrike kishte nevojë për diçka në krahun e majtë, ata paguan 70 milionë për ta nënshkruar atë në janar”. Referenca është për blerjen e Kviça Kvaratskhelia nga Napoli, që daton që nga janari i kaluar.
Pati disa polemika gjatë ndeshjes në lidhje me arbitrimin, por trajneri argjentinas u tërhoq nga polemika: “I zemëruar me arbitrin? Pas 14 vitesh, kam mbaruar së foluri për arbitra. Kam mbaruar.”
Për performancën: “Sa i përket qëllimit dhe angazhimit, pashë një ekip që u përpoq, por dështoi. Kjo humbje e vështirë na detyron të marrim rezultate të mira në ndeshjet e ardhshme”.
Pastaj pati një vlerësim për çështjen e temperaturave: “Është e njëjta vapë në gusht. Nuk e fajësoj vapën. Ishte e vërtetë për të dyja ekipet. Ata luajnë shumë mirë. Ata janë të aftë të bëjnë diferencën. Mund të kishim bërë më mirë, por nuk mjaftoi të bënim më shumë sesa bëmë”.
