Kundërshtar i vështirë për Vllazninë e Edi Martinit në raundin e dytë të Ligës së Konferencës. Skuadra shkodrane do të përballet me islandezët e Vikingur Rejkjavik, që në raundin e parë shpartalluan Malishevën me rezultatin e përgjithshëm 9 me 0.
Në Prishtinë islandezët fituan me shifrat 1 me 0, ndërsa në shtëpi u treguan të pamëshirshëm duke fituar me rezultatin 8 me 0.
Vlen të theksohet fakti që pjesë e Vikingur këtë edicion është edhe ish-mesfushori i Totenhemit dhe Evertonit, Gylfi Sigurdson, i cili tashmë ka mbushur plot 35-vjeç.
Sigurdson në të kaluarën ka arritur t’i shënojëedhe 2 gola Shqipërisë në ndeshje zyrtare me fanellën e Islandës.
12 tetor 2012 – Në ndeshjen kualifikuese për Kupën e Botës 2014, e zhvilluar në Tiranë, Sigurdson shënoi golin e fitores në minutën e 81-të, duke e çuar rezultatin në 2–1 në favor të Islandës dhe 10 shtator 2019 – Gjatë ndeshjes kualifikuese për Euro 2020 në Elbasan, ai barazoi rezultatin në 1–1 në minutën e 47-të. Megjithatë, Shqipëria fitoi ndeshjen me rezultatin 4–2.
