Vinicius Junior, një nga yjet kryesore të Real Madridit, ka reaguar ndaj spekulimeve dhe thashethemeve që e lidhin atë me një transferim në një nga klubet në Arabinë Saudite.
Sulmuesi brazilian, i cili ka qenë një figurë kyçe për skuadrën spanjolle në vitet e fundit, e ka bërë të qartë se nuk është i njohur për ofertat.
“Nuk di asgjë për këto oferta. Ata nuk kanë folur me mua. Ata duhet të flasin me presidentin e klubit [Florentino Pérez]”.
“Shpresoj të qëndroj në Real për një kohë të gjatë. Kjo është shtëpia ime. Dua të bëj histori këtu”, deklaroi Vinicius.
Këto fjalë pasqyrojnë angazhimin e tij ndaj klubit dhe dëshirën për të ndërtuar një karrierë të gjatë dhe të suksesshme në “Santiago Bernabéu”.
Vinicius, i cili u bashkua me Real Madridin në vitin 2018, ka evoluuar në mënyrë të dukshme në vitet e fundit, duke u bërë një nga lojtarët më të rëndësishëm në botë. /Telegrafi/
