Nga Maringlen ZHIVANI
Pas ndeshjes së fundit në Kupat e Europës, skuadra e Vllaznisë do të vijojë sërish përgatitjet, pasi nuk ka kohë për pushim. Menjëherë pas rikthimit në Shkodër, kuqeblutë pritet të kthehen në stërvitje pasditën e sotme.
Stërvitja e sotme pritet të zhvillohet në kompleksin sportiv “Hasaj” dhe do të ketë në fokus rikuperimin fizik dhe punën taktike për sfidat e ardhshme.
Trajneri Edi Martini dhe stafi i tij teknik janë të vendosur ta mbajnë skuadrën në formë optimale, pavarësisht lodhjes në ditët e fundit. Angazhimi i skuadrës për të vijuar përgatitjet pa ndërprerje është një sinjal pozitiv edhe për tifozët, të cilët nga ana e tyre presin një reagim dinjitoz në ndeshjet e rradhës.
Ndërkohë që, kalimi i turit të parë të Conference League ka rritur optimizmin në klubin kuqeblu. E njëjta gjë pritet të ndodhë edhe me tifozët që pritet të jenë të shumë në numër mbrëmjen e së enjtes në shkallët e “Loro Boriçit” për të mbështetur skuadrën e tyre të zemrës.(www.shkodrasport.com)
