Xabi Alonso tashmë po e përshkruan projektin e tij te Real Madridi që para se të ulet në stolin e skuadrës nga Santiago Bernabeu, dhe kërkesa e tij e parë e madhe drejtuar klubit të bardhë përfshin tre emra me të cilët ka pushtuar Gjermaninë: Jonathan Tah, Florian Ëirtz dhe Piero Hincapie.
Trajneri aktual i Bayer Leverkusen, me titullin e Bundesligës tashmë në xhep, dëshiron të sjellë në kryeqytetin spanjoll ekipin kryesor që ka qenë çelësi i suksesit të tij.
Prioriteti në mbrojtje është forcimi i boshtit qendror. Me pasigurinë që rrethon David Alaba dhe largimin pothuajse të sigurt të Jeses Vallejo, Xabi beson se si Tah ashtu edhe Hincapie ofrojnë garanci dhe shkathtësi.
I pari, një lider me përvojë i ekipit gjerman, është jashtë kontratës dhe mund të vijë si lojtar i lirë, gjë që do ta lehtësonte transaksionin financiar.
I dyti, i ri, që luan me këmbë të majtë dhe i gjithanshëm, vlerësohet për aftësinë e tij për të luajtur si qendërmbrojtës ose mbrojtës i majtë, një cilësi që i mungon skuadrës aktuale të Real Madridit.
Në anën ofensive, Alonso i ka vënë syrin Florian Ëirtz. Në moshën 22-vjeçare, reprezentuesi gjerman është një nga talentet më të lakmuar në kontinentin evropian.
Trajneri spanjoll e dëshiron atë si një lojtar kyç për t’i dhënë jetë të re mesfushës sulmuese, veçanërisht nëse largimet e Rodrygos Goes ose Brahim Diaz përfundimisht materializohen.
Ardhja e tij do të kërkonte një investim të konsiderueshëm, por profili i tij krijues, vizioni dhe aftësia e tij për të thyer linjat përputhen me planin e lojës që Xabi Alonso dëshiron të zbatojë.
Bordi i Real Madridit po analizon tani nëse është i gatshëm t’i përgjigjet ambicieve të trajnerit bask, pasi ai kërkon të formësojë një Real Madrid të ripërtërirë pa humbur konkurrencën. Tregu i verës paraqitet si vendi ideal për të nisur këtë fazë të re. /Telegrafi/
