Ksavi Simons është lojtari më i ri i Totenhem. Klubi i Premier Ligës ka blerë kartonin e tij për 65 milionë euro nga RB Lajpcig.
Simons ka firmosur kontratë të vlefshme deri në vitin 2030. Kjo ishte edhe një nga lëvizjet më surprizuese të kësaj merkato vere.
“Totenhem më thirri dhe unë u përgjigja”, tha Simons. Tifozët po ashtu janë të entuziasmuar për arritjen e kësaj marrëveshje.
Talenti i Holandës do e ketë eksperiencën e parë në Angli. Më parë ka luajtur në Francë dhe Holandë, ndërsa e mbylli me eksperiencë mjaft pozitive edhe në Gjermani.
