Nga Fatos LAMAJ
Ndeshja Vllaznia- Partizani që do të luhet sot në ora 19:00 në stadiumin “Loro Boriçi”, konsiderohet më e rëndësishmja e javës së tretë të “Abissnet Superiore” sepse përballen me njëra- tjetrën dy skuadra me shumë traditë dhe dy ndër pretendentet për fitimin e titullit kampion këtë sezon.
Ndërkohë gazeta “Shkodra Sport” sapo ka mësuar edhe emrat e arbitrave që do ta drejtojnë këtë takim. Kështu, kryesor në sfidën e sotme do të jetë Olsid Ferataj i kolegjiumit të Patosit. Ndërsa asistentët e tij do të jetë dy arbitrat e kolegjiumit të Fierit, Ilir Tartaraj dhe Orgest Grabova.
Edhe arbitri i katërt do të jetë nga ky kolegjium, Kreshnik Cjapi. Në sistemin VAR ndërkohë është caktuar të jetë Enea Jorgji i kolegjiumit të Elbasanit, ndërsa në AVAR Adrian Beqiraj i kolegjiumit të Tiranës.
Vëzhgues i arbitrave do të jetë Ervis Peza nga Tirana, ndërsa delegat i Federatës Shqiptare të Futbollit është caktuar Alban Tafaj. Ndeshja pritet me shumë interes nga të gjithë sportdashësit dhe me siguri që do të jetë një 90 minutësh shumë interesant.(www.shkodrasport.com)
