Bota e futbollit ankohet për një kalendar të ngjeshur ndeshjesh, por Botërori i Parë i Klubeve i zhvilluar në Amerikë këtë verë ishte një sukses, aq sa disa klube tashmë po flasin me FIFA-n për rishikimin e formatit.
Disa klube evropiane dhe të Amerikës së Jugut, të udhëhequra nga Reali i Madridit, synojnë të ndryshojnë formatin e turneut, duke synuar një Kupë Bote të Klubeve që zhvillohet çdo dy vjet, në vend të katër viteve të planifikuara fillimisht.
Qëllimi, sipas ESPN, është rritja e të ardhurave për klubet pjesëmarrëse në Kupën e Botës. Raportohet se ka pasur tashmë një diskutim fillestar joformal midis krerëve të disa klubeve dhe përfaqësuesve të FIFA-s, megjithëse deri më tani nuk është bërë asnjë kërkesë zyrtare.
