Në moshën 40-vjeçare, sulmuesi portugez, Cristiano Ronaldo vazhdon të rishkruajë historinë e futbollit botëror. Të martën në mbrëmje në ‘Puskas Arena’, Ronaldo shënoi golin e dytë të Portugalisë në një fitore emocionuese 3-2 ndaj Hungarisë.
Goli erdhi nga pika e bardhë dhe e çoi atë në shifrën e 39 golave në kualifikueset e Kupës së Botës, duke barazuar rekordin e mbajtur më parë nga Carlos Ruiz i Guatemalës.
Me katër ndeshje të mbetura për t’u luajtur – dy kundër Irlandës, një tjetër përballje me Hungarinë dhe një kundër Armenisë, Ronaldo duket se do ta rrëmbejë rekordin dhe do të konsolidojë vendin e tij si golashënuesi më i mirë në kualifikueset e Kupës së Botës.
Fitorja e ngushtë e Portugalisë
Ndeshja ishte një kthesë e papritur. Hungaria mori epërsinë, Portugalia u kundërpërgjigj, vendasit barazuan në fund dhe më pas goli i fitores i Joao Cancelos në minutën e 86-të vulosi fitoren për skuadrën e Roberto Martinez.
Portugalia tani i ka fituar të dyja ndeshjet e para kualifikuese të sezonit, pas një triumfi 5-0 ndaj Armenisë. Ronaldo, gjithmonë i përulur, nuk e përmendi këtë moment historik në Instagram, duke postuar thjesht: “Dy ndeshje, dy fitore. Shkojmë Portugalia!”. /Telegrafi/
