Tottenham ka konfirmuar zyrtarisht se trajneri Ange Postecoglou është shkarkuar nga detyrat e tij, duke i dhënë fund mandatit të tij në krye të skuadrës. Vendimi erdhi pas një shqyrtimi të plotë të performancave të ekipit gjatë edicionit 2024/25.
Pavarësisht suksesit të madh në Evropë, ku Tottenham fitoi trofeun e Ligës së Evropës në Bilbao muajin e kaluar – trofeu i parë kontinental i klubit që nga viti 1984 – drejtuesit e klubit kanë vendosur të lëvizin në një drejtim të ri.
“Ange ndihmoi në rikthimin e identitetit sulmues të ekipit dhe dha një fushatë evropiane të paharrueshme, e cila kulmoi me triumfin tonë historik në Bilbao. Kjo arritje do të mbetet gjithmonë me ne,” thuhet në deklaratën zyrtare të klubit.
Ange Postecoglou ka drejtuar më parë South Melbourne, Brisbane Roar, Melbourne Victory, Australinë, Yokohama F. Marinos dhe Celtic./Telegrafi/
