Kane tentuar me çdo kusht per te njollosur gjithçka, me shpresen se UEFA do ta ndryshonte stadiumin se ku do te luhej ndeshja e kthimit, por drejtuesit e Valur nuk ia kane dale. Si rrjedhoje ndeshja e kthimit ne mes kesaj skuadre dhe Vllaznise do te luhet te enjten ne stadiumin “Loro Boriçi” te Shkodres.
Pas ndeshjes ne Reykjavik (e mbyllur ne barazim 2-2), drejtuesit e klubit islandez sajuaj histori nga me te ndryshmet, duke aluduar per kercenime me vdekje te drejtuesve te Vllaznise ne adrese te tyre, vetem e vetem qe te mund te bindnin UEFA-n per te mos e luajtur kete ndeshje ne Shqiperi.
Por gjithçka ka marre pergjigje negative. Diten e sotme, ka patur nje takim zyrtar online te perfaqesuesve te te dy klubeve, perfaqesues te UEFA-s, por edhe oficeret e sigurise qe ka caktuar ky institucion per ndeshjen ne fjale. Bashke me to kane qene edhe drejtues te Drejtorise se Policise Vendore Shkoder.
Keto te fundit kane siguruar se ne “Loro Boriçi” asnjehere nuk ka patur probleme ne ndeshjet e futbollit dhe si rrjedhoje jane marre masat qe keshtu te ndodhe edhe kete here, duke mos pranuar faktet se miqte mund te jene te rrezikuar. Jane degjuar edhe palet e tjera teksa drejtuesit e Vllaznise jane çuditur nga “shpikjet” e islandezeve dhe kane ofruar siguri maksimale dhe mikepritje per miqte ashtu siç kane bere gjithmone.
Ne fund eshte vendosur nga perfaqesuesit e UEFA-s qe ndeshja do te luhet ne “Loro Boriçi”. E vetmja dileme eshte nese do te kete nje ndryshim te orarit dhe do te jete institucioni i futbollit europian qe maksimumi brenda dites se neserme do te vendose per kete gje, teksa si opsion eshte ora 20.30 e dites se enjte, por kjo do te zyrtarizohet neser./www.shkodrasport.com/
