Gian Piero Gasperini është trajneri i ri i Romës.
Trajneri italian vendosi që të mbyllte aventurën e tij me Atalantën, për të nisur një të re në kryeqytet me “verdhekuqtë”.
Gasperini ka firmosur me Romën një kontratë 3-vjeçare, pra të vlefshme deri në verën e vitit 2028. Ndërkohë që gjatë prezantimit, pranë tij ishte dhe trajneri i sezonit të fundit të Romës, Claudio Ranieri.
Kujtojmë se 67-vjeçari u largua nga Atalanta pas plot 9 vitesh. Gasperini i drejtoi bergamaskët në 439 ndeshje, duke fituar edhe Europa League.
