Trajneri Edi Martini do të mungojë në pankinë në ndeshjen e së dielës mbrëma ndaj Dinamos, e cila do të startojë në orën 20:00 në stadiumin “Elbasan Aren”. Një përballje shumë interesante, por numri 1 i pankinës kuqeblu do të jetë i detyruar ta ndjekë atë nga tribuna për shkak të vendimit të djeshëm të Disiplinës që e ka pezulluar dy ndeshje.
Në mungesë të tij, në pankinë do të drejtojë sërish zëvendëstrajneri Ergi Borshi që padyshim do të ketë edhe asistenën e drejtorit Vioresin Sinani, ashtu siç dhe bashkëpunuan sëbashku në 70 minutat e ndeshjes me Egnatian, që kur Martini u largua me të kuqe.
Edhe këtë herë dyshja Borshi- Sinani do të mundohen ta bëjnë sa më mirë detyrën e tyre, kuptohet duke ndjekur dhe zbatuar të gjitha porositë që trajneri i parë do të japë nga tribuna ku do të jetë i vendosur.
Kuptohet që menaxhimi i situatës në pankinë ështv shumë i rëndësishëm prandaj të dy ata do të bëjnë më të mirën në këtë ndeshje shumë të rëndësishme dhe njëkohësisht edhe delikate në aspektin psikologjik.(www.shkodrasport.com)
