Partizani udhëton sot drejt Shkodrës me objektiv marrjen e pikëve. Trajneri i tij Mladen Milinkoviç e ka vlerësuar kundërshtarin por edhe ambientin ku do të luhet ndeshja, megjithatë ai beson tek skuadra e tij.
“Unë pres që çdo ndeshje të jetë e vështirë. OK kjo ndeshje është pjesë e historisë, pasi edhe flitet që kjo fushë është e vështirë për Partizanin. Çdo ndeshje e re sjell diçka të re, ky është mesazhi që kam përcjell te futbollistët.
Eshtë një ndeshje e re dhe shumë gjëra varen nga ne. Jemi munduar ta përgatisim ndeshjen sa më mirë. Patjetër që e respektojmë Vllazninë janë skuadër shumë e mirë.
Kanë lojtarë me mjaft kualitet po ashtu edhe lojtari i ri që kanë afruar së fundmi Bismark. Luajnë mirë në shtëpi, presim që të kenë edhe shumë tifozë, ndaj duhet të jemi gati për të gjithë këto faktorë”.
