Mesfushori i Teutës, Matias Lloci ka bërë njoftimin e papritur në rrjetet sociale. Përmes një shkrimi të gjatë në “InstaStory” ai njofton largimin e tij nga klubi durrsak. 25-vjeçari falenderon të gjithë klubin e Teutës dhe gjithashtu tifozët.
Njoftimi i plotë
“Të dashur familja KF Teuta, ndërsa mbyll këtë kapitull të karrierës sime, dua të shpreh mirënjohjen time më të thellë për të gjithë ju në KF Teuta. Të vishja këtë fanellë dhe të përfaqësoja klubin ka qenë një nder dhe privilegj i jashtëzakonshëm.
Shokëve të skuadrës, faleminderit për betejat që luftuam së bashku, për orët e panumërta stërvitje dhe për kujtimet branda dhe jashtë fushës. Trajnerëve dhe stafit, faleminderit për besimin, udhëzimin dhe mbështetjen që më ndihmuan të rritem si lojtar dhe si person. Dhe tifozëve faleminderit për pasionin dhe mbështetjen tuaj të palëkundur.
KF Teuta do të ketë gjithmonë një vend të veçantë në zemrën time. Largohem me respekt dhe mirënjohje të plotë për këtë klub, dhe gjithmonë do të mbaj me vete mësimet dhe përvojat që fitova këtu në të ardhmen. Jam mirënjohës për gjithçka që ndamë së bashku. I uroj klubit suksese të vazhdueshme në vitet që vijnë dhe do të jem gjithmonë krenar që kam qenë pjesë e familjes KF Teuta. Me mirënjohje dhe respekt, Matias Lloci”, shkruan ai.
