Fillimisht si trajner tek KF Shiroka, me pas u largua drejt Apolonise ku drejtoi fieraket ne fund te sezonit, megjithate argjentinasi Matias Tatangelo duket se eshte “dashuruar” serish me Shkodren dhe se fundi ka arritur akordin me drejtuesit e KF Shiroka por per kete here per te kryer detyren e drejtorit teknik.
Ky eshte lajmi me i fundit i dale nga zyrat e ketij klubi permes nje komunikimi me mediat kur behet e ditur kjo gje teksa shkruhet:
“KF Shiroka ka kënaqësinë të njoftojë emërimin e z. Matías Tatangelo në pozicionin e Drejtorit Sportiv për sezonin 2025–2026.
Pas një eksperience të suksesshme si trajner gjatë fazës së dytë të sezonit të kaluar, ku kontributi i tij u reflektua në përmirësimin e ndjeshëm të performancës së ekipit, klubi ka vendosur t’i besojë një rol edhe më strategjik në strukturën teknike.
Z. Tatangelo, i lindur në Argjentinë , është një profesionist me përvojë të gjerë ndërkombëtare në Amerikën Latine dhe Evropë.
Roli i tij do të përfshijë:
Hartimin e strategjisë afatgjatë të klubit në aspektin sportiv
Mbikëqyrjen e merkatos dhe përzgjedhjen e talenteve të reja
Bashkëpunimin e ngushtë me stafin teknik dhe akademinë
Zhvillimin e filozofisë së lojës në të gjitha kategoritë e klubit
Ne i urojmë mirëseardhje të ngrohtë Matías Tatangelos në këtë rol të ri dhe jemi të bindur se ai do të jetë një shtyllë kyçe në rrugëtimin tonë drejt objektivave madhore.
