Ne Shkoder ashtu si ne te gjithe Shqiperine, ekipet e lojerave me dore kryesisht jane ne fazen e pushimeve, ose me mire te themi te nje stervitjeje te lehte duke u bere gati kesisoj per fazen me intensive te pergatitjeve, per t’u bere gati me pas per sezonin e ri.
Po çfare po ndodh me ekipet e lojerave me dore ne Shkoder? Per momentin duket se nuk kemi lajme te mira sepse fondet jane ato qe jane (te miratuara nga fillimi i vitit prej Bashkise Shkoder) dhe ne keto rrethana veshtire te mendojme se gjerat do te jene me mire se ne sezonin qe u mbyll ku te kater ekipet e Vllaznise “u kenaqen” thjesht me kalimin ne gjysmefinale te kampionateve.
A do te mund te bejne me shume ne sezonin e ri ato? Kjo mbetet per t’u pare por shpresat duken te pakta. Nese i referohemi ekipit te basketbollit te meshkujve, ai permes faqes zyrtare ne rrjetet sociale u ka bere ftese lojtareve cilesore qe duan t’i bashkohen ketij ekipi, te kontaktojne me drejtuesit e tij!!! Por sigurisht qe gjerat nuk behen me ftesa ne facebook dhe instagram, por me buxhete te miratuara dhe oferta zyrtare per lojtaret qe deshirojne.
Sa i takon ekipit te femrave te basketbollit, trajneri Gjeçaj do te jete shume i kenaqur te mos i largohej ndonje lojtare nga kontigjenti aktual sepse per perforcime veshtire te behet fjale.
Ekipi i volejbollit te meshkujve te Vllaznise duket se ka kontigjentin me te mire nga te gjithe ekipet e lojerave me dore te Vllaznise, por edhe aty flitet se do kete “rrjedhje” te ndonje volejbollisti te ri dhe nese kjo vertete ndodh, gjerat do te merrnin per keq sepse veshtire te gjenden lojtare per t’i zevendesuar me fondet qe kane ne dispozicion.
Nderkohe me e renduar eshte situata tek ekipi i volejbollit te femrave sepse nga kontigjenti i sezonit te kaluar, jane te pakten edhe dy vajza te tjera qe nuk do jene me pjese e skuadres ne sezonin e ri dhe behet fjale per volejbollistet Sarah Beci dhe Paola Gjyshja. Se si do te zevendesohen, kjo mbetet per t’u pare.
Ajo qe duam te themi eshte se Bashkia vertete eshte krenuar me renditjen ne katershen me te mire te ketyre kater ekipeve, por nuk duhet te harrojme se ekipet e Vllaznise thuajse gjate gjithe historise se tyre nuk kane rene poshte vendit te trete. Dhe per te rikthyer kete periudhe, por pse jo edhe per te pretenduar fitimin e trofeve, duhet nderhyrje. Duke shtuar fondin, ose duke i gjetur nga nje sponsor secilit prej ketyre ekipeve dhe atehere ata vertete mund te behen pretendente./www.shkodrasport.com/
