Portieri Alen Sherri e festoi në mënyrën më të mirë të mundshme triumfin në Kupën e Shqipërisë ndaj Kukësit, teksa në fund të sfidës, mori një “PO” nga e fejuara e tij, pas propozimit që i bëri për martesë në mesin e fushës. Në prononcimin e dhënë pas këtij momenti special portieri shkodran për mikrofonin e “MCN” u shpreh:

“E kisha planifikuar para nja 2 ditësh. Për koeçidencë, dje më çoi një unazë. Sot më tha pse po rrimë kështu ne, sikur do më propozosh. Kam 2 vite e gjysëm me të fejuarën. Kishte ardhur momenti për ta bërë zyrtare. Kisha emocione shumë gjatë lojës për të dyja gjërat. Ndoshta ndikoi edhe në lojë. Ishte një ditë emocionuese për mua.

Objektivi tjetër është titulli kampion do të luftojmë. Shpresoj ta arrijmë edhe këtë dhe më pas do të ishte perfekt.

Në qoftë se fitojmë titullin kampion do të kemi dasmë. Kisha fat sot. Dylis e dinte, më shpëtoi në atë moment, në fushë i thashë ta kam borxh.

Duhet të marrim disa mësime nga kjo ndeshje, nuk e nisëm në mënyrën më të mirë të mundshme. Kishte një tjetër emocion. Kukësi ishte pa presion, kjo ndikon te loja. Me Vllazninë do të jetë një ndeshje tjetër, edhe ekipi jonë do të ketë fytyrë tjetër. Do të jetë një vështirësi plus për mua. Po bëhet hera e shtatë kundër Vllaznisë, jam mësuar”, u shpreh Sherri.

Një prononcim të shkurtër në lidhje me këtë moment special e dha dhe partnerja e Sherrit e cila deklaroi: “Ishte surprizë nuk e prisja. Në fillim po e thoja me shaka, pse po më lë në mes, mos na bën ndonjë propozim”.

Kapiteni i Egnatias, Renato Malota, u shfaq tepër entuziast pas triumfit 0-1 që skuadra rrogozhinase arriti në finalen ndaj Kukësit. Në prononcimin e dhënë menjëherë pas ndeshjes për mikrofonin e “MCN”, mbrojtësi lezhjan deklaroi:

“U hap thesi i premiove, çunat e merituan, nuk mungon asnjëherë suporti i presidentit, 40 mijë euro, urime çunave.

Po ta shikosh hollë-hollë është më shumë, se secili ka bonuse personale. Një emocion ndryshe, përgjegjësi e madhe të jesh kapiten. Kemi kaluar një vit shumë të vështirë, me humbjen e Duamenës. Këtë trofe ia dedikojmë vetëm Duamenës. Falenderoj gjithë çunat që dhanë më të mirën për ta mbrojtur këtë trofe.

Në futboll nuk ke kohë kurrë për të festuar. Një plus shumë i madh për ne, shkojmë më të qetë. Jemi të lumtur dhe të bindur që në këto 2 finale do të japim më të mirën.

Ne po menduam që të futemi për barazim ndaj Vllaznisë jemi të humbur. Do të futemi për të fituar, Vllaznia është emër i madh, një nga ekipet më të mira në Shqipëri. Kam besim që do e kalojmë Vllazninë po dha gjithsecili më të mirën e vetë.

Futbolli nuk ka moshë nëse stërvitesh mirë, je i aftë të luash më shumë vite. Nga jashtë mendohet që është më e lehtë me 3 mbrojtësa, por për mua është më e vështirë, këto i përkasin stafit teknik jo mua. Unë mundohem të jap më të mirën”, u shpreh Malota.

Egnatia triumfoi me shifrat minimale 1-0 kundër Kukësit, port ë mjaftueshme për të “rrëmbyer” trofeun e Kupës së Shqipërisë për të dytin sezon radhazi. Golin e vetëm të sfidës e shënoi Edison Ndreca. Ky i fundit në një intervistë për mediat, u shpreh shumë i lumtur për trofeun por gjithashtu hedh sytë nga takimi me Vllazninë në “Final 4”:

“Jam shumë i lumtur që fituam. Tani kemi edhe 2 ndeshje të tjera dhe shpresoj ta fitojmë edhe tjetrin sepse kemi luftuar të gjithë sezonin.

Patjetër që është ndeshje e vështirë, e vlerësojmë Vllazninë sepse ka arritur me meritë deri aty. Do luftojmë që të kalojmë në finale dhe të fitojmë titullin kampion.

Ne do e vlerësojmë shumë ndeshjen me Vllazninë, ua dimë forcën atij ekipi sepse këtë vit kemi bërë 6 ndeshje, por do bëjmë maksimumin për t’i kaluar.

Rëndësi ka që morëm triumfin në fund. Tani edhe Kukësi ka meritat e veta sepse ka kaluar Tiranën edhe Partizanin për të ardhur deri këtu. Finalet fitohen dhe ne këtë bëmë”,- përfundoi Ndreca.

Egnatia shpallet për të dytin sezon radhazi fituese e Kupës së Shqipërisë. Natyrisht që një meritë të madhe duhet t’i shkojë edhe trajnerit Edlir Tetova, që i komandoi rrogozhinasit deri në këtë moment historik. Pas përfundimit të takimit kundër Kukësit, Tetova doli në një intervistë për mediat ku tha se ua kishte vënë si detyrim djemve të ekipit që të triumfonin sërish:

“Rinovimi i kontratës? Mendoj që kemi pasur një gjysmëfjale me presidentin, e mira është që të kemi një diskutim përsëri.

Atëherë, Kupa e dytë, triumfojmë për herë të dytë në finalë. Është një emocion i dyfishtë. Një rrugëtim i mirë i skuadrës në Kupë dhe Kampionat. Kemi akoma punë për të bërë, çdo gjë do të mbyllet me datë 19.

20 minutat e para, një çrregullim total i skuadrës, në momentin që qarkulluam topin pastaj shkuam te idetë e mia.

Fitorja i sheshon të gjitha, pas asaj penalltie ekipi u vu në presion por e kaluan.

Unë kam kërkuar mbrojtjen e titullit të Kupës, ne jemi një ekip i ri por me 2 trofe, gjë që na bën të shkojmë në ndeshjet e Kupës me moralin më të lart. I kam kërkuar djemve ta fitonim që të kishim më të lehtë në “Final 4”.

Për mua e rëndësishme ka qenë maratona e kampionatit, finalja është finale. Do të luajmë me dinjitet, ashtu si kemi luajtur gjithë kohës.

Kampionatin e fiton Eganitan”,- e mbylli Tetova.

Egnatia shpallet ekipi fitues i Kupës së Shqipërisë për të dytin sezon radhazi. Rrogozhinasit mundën në finale Kukësin me rezultatin minimal 1-0, teksa sfidën e vendosi Edison Ndreca me golin e shënuar në minutën e 38-të.

Një finale mjaft e luftuar nga të dyja ekipet që prodhuan lojë të bukur e me raste të pastra shënimi. Pas disa insistimeve në portën kundërshtare, Egnatia zhbllokoi rezultatin në të 38-ën me Edison Ndrecën. Kaq mjaftoi për pjesën e parë.

Në fraksionin e dytë, të dyja skuadrat shpërdoruan disa raste të pastra shënimi.

Në të 79-ën Egnatia pati mundësinë e artë për të dyfishuar rezultatin nga pika e bardhë e penalltisë. Gjuajtja e Fernandos u ndal nga portieri Tafas.

Në fund ndeshja u mbyll me rezultatin 1-0 për Egnatian që fiton për herë të dytë radhazi trofeun e Kupës së Shqipërisë. Në fund të ndeshjes u zhvillua edhe ceremonia e dhënies së medaljeve dhe Kupës së Shqipërisë, që iu dorëzuan Egnatias nga Zv.Presidenti i FSHF-së, Lutfi Nuri.

Finalja e Kupës së Shqipërisë

Kukësi – Egnatia 0-1

Shënues: Edison Ndreca

Skenderbeu eshte ne gare per te fituar titullin kampion te ketij sezoni, por edhe nese ndodh kjo skuadra korçare siç dihet nuk do te mundet te luaje ne Kupat e Europes per arsye te pezullimit te saj nga UEFA.

Por shumekush eshte i paqarte se edhe sa vite kane mbetur nga denimi i kesaj skuadre? Per t’i dhene nje pergjigje kesaj çeshtje ka menduar vete presidenti Ardian Takaj i cili ne nje prononcim te dhene per mediat eshte shprehur:

“Na duhet të presin dhe tre vite që Skënderbeu të kenë mundëisinë që të marrë pjesë sërish në kompeticionet ndërkombëtare”.

Nga denimi i Skenderbeut kete vit kane fituar te gjitha skuadrat pjesmarrese ne “Final 4” te cilat kane siguruar automatikisht te drejten per te marre pjese ne Kupat e Europes dhe madje ne rast fitoreje te Kupes nga Egnatia, do te perfitoje edhe Tirana per t’i zene korçareve vendin ne Europe.