Liverpooli po përgatitet të mbyllë transferimin më të shtrenjtë në histori të Premier Ligës. Klubi nga Anfield ka bërë një ofertë prej 140 milionë eurosh për sulmuesin suedez Alexander Isak, i cili aktualisht është pjesë e Newcastle United.
Nëse ky transferim realizohet, Isak do të bëhet lojtari më i shtrenjtë në historinë e Ligës Premier, duke kaluar Florian Wirtz, i cili mban rekordin aktual me 125 milionë euro. Liverpooli është i vendosur të sigurojë shërbimet e tij për të forcuar sulmin nën drejtimin e trajnerit Arne Slot.
Pavarësisht ofertës së majme, Newcastle e ka refuzuar propozimin fillestar. Klubi anglez e konsideron Isakun pjesë kyçe të projektit afatgjatë dhe nuk është i gatshëm ta shesë, përveçse në rast të një oferte të parezistueshme.
Isak ka qenë ndër lojtarët më të spikatur të Ligës Premier sezonin e fundit. Liverpooli beson se Isak do të përshtatet në mënyrë perfekte me stilin e lojës së skuadrës.
Lojtari tanimë i ka bërë të qartë drejtuesve të Newcastle se dëshiron transferimin në Anfield dhe tani po pret që dy klubet të gjejnë marrëveshje. /Telegrafi/
