Pasditen e sotme ishte planifikuar te luhej ndeshja finale e Superkupes ne basketboll per meshkuj, ajo ne mes Beselidhjes kampione ne fuqi dhe Tiranes, fituese e kupes. Por ne fakt kjo perballje nuk do te luhet diten e sotme sepse eshte shtyre per 24 ore.
Arsyen e ka bere te ditur vete Federata Shqiptare e Basketbollit permes nje njoftimi te shperndare pak minuta me pare ku shpjegon se ka edhe nje ndryshim te vendit se ku do te luhet kjo finale e programuar per t’u luajtur me pare ne “Asllan Rusi” te kryeqytetit.
“Njoftim i rëndësishëm për Superkupën
Ndeshja mes Besëlidhjes dhe KS Tiranës, e cila ishte parashikuar për sot, do të shtyhet për nesër, më 8 tetor, në orën 19:00, dhe do të zhvillohet në Pallatin e Sportit “Apolonia” në Fier. Ndryshimi u bë për shkak të bllokimit të rrugëve sot në Tiranë.
Ju falënderojmë për mirëkuptimin dhe ju presim nesër!”
