Nga Gjergj KOLA
Sulmuesi shkodran Gabriel Kulla ka shenuar serish per ekipin Sassuolo U17. Ashtu si e mbylli vitin e kaluar duke shenuar gol ne ndeshjen e fundit ndaj Modenas, keshtu e nisi edhe sot ne sfiden e pare te ketij viti duke i shenuar serish edhe Sampdoria, por per fat te keq pa e ndihmuar dot skuadren e tij ta fitonte kete takim.
Kulla ka shenuar i pari ne kete ndeshje duke i dhene edhe avantazhin skuadres se tij, por kjo nuk ka zgjatur deri ne fund sepse Cernic ka barazuar per Sampdorian dhe ne kete menyre i gjithe takimi eshte mbyllur ne shifrat e barabarta 1-1.
Pas 13 javesh kampionat, Sassuolo U17 ka arritur te grumbulloje 17 pike dhe ndodhet ne vendin e gjashte te renditjes te Seria A. Nje merite shume te madhe ne keto rezultate padyshim qe ka shkodrani Gabriel Kulla me lojen dhe golat e tij. Me keto te fundit, ne fakt ai eshte edhe nje nga golashenuesit me te mire te kampionatit.
Ne vend te pare pas ne renditjen e tyre eshte Francesco Bellone i Genoas me 10 gola te shenuar, ndersa i dyti eshte Gabriel Kulla i Sassuolos me 9 gola. Ky eshte kampionati i pare qe po luan si profesionist dhe 16 vjeçari shkodran po spikat me performancen e tij.
Kjo ka bere qe drejtuesit e Sassuolos jo vetem te mos merziten me zgjedhjen qe kane bere ne fillim te sezonit, por madje te jene shume te lumtur qe ne rradhet e tyre kane nje “xhevahir” te tille i cili premton shume per te ardhmen./www.shkodrasport.com/