Nje çeshtje e papritur ka lindur te Vllaznia. Ne media flitet se Ildi Gruda eshte larguar nga skuadra shkodrane per t’iu bashkuar nje tjetre por ne fakt situata rreth tij duket disi e komplikuar. Lojtari ka qene pjese e skuadres dhe ne planet e trajnerit Martini prandaj dhe ai ka udhetuar bashke me pjesen tjeter te lojtareve drejt sllovenise per te zhvilluar fazen pergatitore.
Nga ana tjeter, drejtuesit e klubit shkodran bejne te ditur ne menyre ekskluzive per gazeten se futbollisti ne fjale eshte federuar tashme me Vllaznine deri ne fundin e sezonit 2025-2026 dhe prisnin qe ai te jepte me te miren per skuadren, por duhet thene se Gruda edhe ditet e fundit ka shfaqur serish disa probleme shendetesore.
Kujtojme qe edhe para sezonit te kaluar ai pati probleme dhe mungoi per nje periudhe te gjate ne skuader, megjithate drejtuesit duke patur besim ne aftesite e tij e priten derisa u kthye. Keshtu mesa duket po ndodh edhe tani teksa demtimet e Grudes kane filluar te perseriten.
Si rrjedhoje ne dy seancat e fundit ai kishte munguar ne stervitje, por nga ana tjeter mbremjen e djeshme ai ka braktisur edhe kampingun e Vllaznise ne Slloveni, pa lajmeruar asnjerin prej drejtuesve te skuadres apo te klubit. Nje situate disi e pakuptimte qe i ka shqetesuar keta te fundit te cilet e konsiderojne futbollistin te tyrin deri ne fundin e sezonit te ri ne te cilin po hyjme.
Se çfare do te ndodhe kjo mbetet per t’u pare. Duhet thene se trajneri Martini ka qene i shqetesuar per gjendjen shendetesore te lojtarit ngaqe po vijne ndeshjet europiane dhe e kishte ndertuar formacionin rreth tij, por nga ana tjeter askush nuk e kishte menduar se situata do te precipitonte ne kete menyre.(www.shkodrasport.com)
