Franco Mastantuono foli në zonën miks pas golit të tij të parë me Real Madridin: “E prisja këtë gol, edhe pse nuk ishte gjëja kryesore. Është një hap për të fituar besim, jam shumë i lumtur”. Pastaj shmangu krahasimet me Yamal: “E përgëzoj për vendin e dytë në ‘Topin e Artë’. Është një lojtar i madh, por nuk dua të krahasohem me askënd, vetëm të jap më të mirën për ekipin”.
Mastantuono theksoi se ndihet i integruar: “Duket sikur jam këtu prej kohësh. Shokët më kanë dhënë shumë besim, ndihem si në shtëpi. Gjithmonë përpiqem të imponoj lojën dhe personalitetin tim, ta ndihmoj Real Madridin të fitojë”.
Ai pranoi se po përshtatet me një realitet të ri: “Është një hap i madh nga Argjentina, por ndihem gjithnjë e më rehat. Ky vit do të jetë i jashtëzakonshëm për mua dhe për të gjithë”. Për Bellingham pati vetëm superlativa: “Është një lojtar unik, me hierarki, garë e qetësi që e bëjnë të veçantë. Më ka impresionuar shumë, është fantastik si lojtar dhe si person”./telesport/
