Klejdi Daci është lojtari më i ri i FC Okmk Olmaliq. Sulmuesi vendosi që të mbyllte aventurën e tij me Teutën në Superiore, për të nisur një të re në Superligën e Uzbekistanit.

Daci ka firmosur me klubin nga Uzbekistani një kontratë 2 vjeçare, pra të vlefshme deri në vitin 2026.

Një largim i bujshëm dhe me peshë nga Teuta, pasi kujtojmë që në sezonin e fundit, 25 vjeçari ishte një nga lojtarët kyç në repartin ofensiv.

Kujtojmë që Daci, përveç Teutës ka luajtur edhe me ekipe të tjera shqiptare. Sulmuesi ka mbajtur veshur fanellën e Partizanit, Kastriotit dhe Kukësit, teksa tashmë është gati për aventurën e re në Uzbekistan.