Pas javësh pritjeje, ka mbërritur njoftimi zyrtar, Neymar ka rinovuar kontratën e tij me Santos deri në fund të vitit 2025. Lajmi u prit me entuziazëm nga tifozët, të cilët do të vazhdojnë të admirojnë idhullin e tyre i cili është kthyer në shtëpi pas përvojës së tij në Arabinë Saudite dhe një serie të gjatë dëmtimesh.
Për të njoftuar rinovimin, sulmuesi brazilian organizoi një konferencë shtypi shumë intime, ku morën pjesë vetëm miqtë dhe familja. Një ngjarje e veçantë, gjatë së cilës Neymar foli hapur për situatën e tij aktuale, midis dëshirës dhe reflektimeve personale: “E di që jam një njeri i mirë, edhe nëse është e vështirë të merresh me ata që gjykojnë pa e ditur. Ndonjëherë më dhemb të lexoj gjëra të caktuara për mua, miqtë e mi, familjen time. Por kam mësuar ta pranoj”.
Lojtari i lindur në vitin 1992 theksoi se si, për të, e tashmja është ajo që ka më shumë rëndësi: “Nuk më pëlqen të flas për të ardhmen. Preferoj të jetoj momentin. Sot objektivi im është të kthehem në 100% të formës time, të jem i mirë në fushë, sepse e di se aty mund të bëj diferencën. Dua t’u sjell gëzim tifozëve të Santos dhe të jap gjithçka për këtë fanellë”.
