Ne Shkoder ka nisur te punohet mire me portieret. Dhe jo vetem tek ekipi i pare i Vllaznise, por kjo pune eshte fokusuar edhe tek ekipet e Akademise ku po evidentohen portiere me te ardhme me te cilet sigurisht qe po punohet fort per rritjen e cilesise. Ne kete shkrim do te ndalemi tek njeri prej tyre. E kemi fjalen per Stiven Juka.
I datelindjes 13 korrik 2011, ai e ka nisur futbollin qe ne moshen 6 vjeçare dhe trajner te pare ka patur nje emer te njohur te futbollit shkodran si Safet Osja. Me pas ka kaluar tek nje emer tjeter i njohur si Amarildo Belisha duke qene pjese e Akademise “The Door”, por nderkohe ne kete sezon i eshte bashkuar Vllaznise.
Eshte pjese e ekipit U14 me trajner Haris Dalipin, nderkohe qe si portier ai stervitet çdo dite me trajneret e tij Ali Shpuza dhe Besnik Ndoj. Megjithate gjate ketyre viteve, nje rol te rendesishem ne formimin e tij ka patur edhe trajneri Bujar Celufaj, me te cilin ka punuar disa vite me rradhe.
Stiven pas pak ditesh, pikerisht me date 17 maj do te udhetoje drejt Barcelones se Spanjes per te marre pjese ne kampin stervitor qe Akademia e saj do te zhvilloje deri me date 22. Portieri shkodran e ka fituar kete te drejte gjate muajit tetor te vitit te kaluar, kur ne Prishtine u zhvillua “Barça Academy Camp” dhe nder 300 futbollistet pjesmarres, organizatoret kane evidentuar 40 prej tyre te cilet do te udhetojne kete muaj drejt Spanjes per te marre pjese ne nje tjeter kamp stervitor qe zhvillohet atje.
Per portierin e Akademise Vllaznia kjo do te jete nje mundesi shume e mire per te treguar edhe njehere tjeter vlerat e tij. Ai konsiderohet nje portier me te ardhme dhe sebashku me Besard Ndoj jane nje garanci per ekipin U14 te Akademise kuqeblu. Stiven Juka eshte 1.65 metra i gjate dhe peshon 60 kg dhe nder pikat e tij te forta ka edhe lojen e mire me kembe.
Testi qe do te zhvilloje pas 10 ditesh ne Barcelona padyshim qe do te jete nje motiv me shume per te punuar fort ne stervitje sepse vetem me pune mund te beje realitet endrren e tij dhe te familjes.(www.shkodrasport.com)
