Edhe pse në vigjilje të finales së Kupës së Spanjën arbitrat kishin kërcënuar me gjyq nëse “Real Madrid TV” do të vazhdonte me publikimet e pamjeve të gabimeve të tyre asgjë nuk ka ndryshuar.
Ditë e sotme Real Madrid TV ka publikuar një përmbledhje të gabimeve të Jesús Gil Manzano. Kryesorit në fjalë i është besuar ndeshja mes Realit dhe Selta Vigos e vlefshme për javën e 34-rt të La Ligës.
“Ky është Jesús Gil Manzano, protagonisti i skandalit më të madh të kohëve të fundit dhe tani do të gjykojë ndeshjen Real Madrid-Selta de Vigo”, ishin titrat që shoqëronin planet e kryesorit, i cili duket se paragjykohet në Madrid.
