Mario Mitaj ka shqetësuar stafin në minutën e 96-të të ndeshjes mes Al Itihad dhe Al Raed, ndërsa u shtri në fushë. Al Itihad fitoi 4-1 në shtëpi, ndërsa sfida pati vlerë për javën e 15-të të kampionatit në Arabinë Saudite.
Mitaj pati sërish një paraqitje pozitive, teksa në sekondat e fundit të ndeshjes pësoi një tërheqje. Mbrojtësi shqiptar ndaloi kundërshtarin të avanconte më tej në sulm.
21-vjeçari shtrëngoi dhëmbët deri në vërshëllimën e fundit. Aktualisht skuadra e tij po lufton për titullin kampion. Al Itihad ndodhet me pikë të barabarta me Al Hilalin kryesues.
