Vllaznia U19 ka mundur Partizanin dhe shkon ne finalen e turneut prestigjioz “Eagle Cup” qe po zhvillohet ne vendin tone. Ndeshja gjysmefinale ndaj ekipit te te kuqve eshte luajtur mbremjen e sotme ne “Shtepine e Futbollit” ne kryeqytet dhe eshte fituar me shifrat 2-1 nga kuqeblute.
Djemte e drejtuar nga trajneri Elvis Plori kane bere nje performance shume te mire dhe si rrjedhoje e kane dominuar takimin ndaj Partizanit duke treguar se e meritojne plotesisht kalimin ne finale. Ka qene ekipi i kuq qe kaloi i pari ne avantazh, por me pas Gerald Kubazi ka barazuar per shkodranet, ndersa Gerison Zhuri do te shenonte golin e fitores per ta, golin qe do t’i kualifikonte per me tej.
Ne ndeshjen tjeter gjysmefinale, italianet e Hellas Verona kane mundur Dinamo ACC. FC Nigeria dhe ne kete menyre do te jene ata kundershtaret e Vllaznise ne ndeshje finale te ketij kompeticioni.
Finalja e shumepritur do te luhet neser ne oren 20:00 ne “Shtepine e Futbollit” dhe sigurisht qe Vllaznia U19 do te tentoje fitoren dhe shpalljen triumfues ne kete kompeticion prestigjioz duke fituar te drejten per te marre pjese edhe ne turneun e famshem “Viareggio Cup” qe zhvillohet çdo vit ne Itali.(www.shkodrasport.com)
