Zhvillimi i ndeshjeve te Tiranes si ekip prites eshte kthyer ne nje rebus te vertete per kete skuader, por edhe per Federaten Shqiptare te Futbollit si dhe per ekipet kundershtare. Me Dinamon nje jave me pare luajti ne Vlore, ndersa te shtunen ndaj Laçit luajti ne Korçe.
Po ndaj Vllaznise? Fillimisht u tha se do te luhej ne Elbasan dhe nje gje te tille e pohoi edhe presidenti i klubit shkodran Alban Xhaferi. Por gjerat kane ndryshuar diten e sotme dhe opsioni per ta luajtur klasiken ne “Elbasan Arena” ka rene poshte dhe arsyeja e sakte nuk dihet pse.
Federata ne bashkepunim me klubin Tirana po sheh te gjithe opsionet e mundshme dhe paradreken e sotme kane pare si mundesi reale per ta luajtur kete ndeshje ne stadiumin e Pogradecit ose te Gjirokastres. Vllaznia sigurisht qe nuk ka patur kontestime, por thjesht po pret zyrtarizimin e stadiumit ku do te luhet kjo ndeshje.
Nga ana tjeter, duhet thene se gjate gjithe javes se kaluar, klubi shkodran i ka ofruar atij bardheblu mundesine per ta ndryshuar stadiumin duke e luajtur ndeshjen e kesaj jave ne Shkoder dhe pastaj ate te fazes tjeter ne Tiranes, por drejtuesit e ketij klubi e kane refuzuar nje gje te tille.
Por çuditerisht sot, ka qene vete presidenti Halili qe e ka kerkuar luajtjen ne Shkoder, por kete here kane qene drejtuesit e Vllaznise qe e kane refuzuar sepse nuk kane kohen e mjaftueshme per ta pergatitur ndeshjen dhe per me teper sot i eshte hedhur edhe pleh kimik fushes se stadiumit “Loro Boriçi”.
Ne keto rrethana, deri tani ende askush nuk e ka te qarte se ku do te luhet kjo ndeshje dhe opsionet me te mundshme jane Pogradeci e Gjirokastra, por oret ne vijim mund te ndryshojne shume gjera. E sigurte eshte se gjithçka do te vendoset sot./www.shkodrasport.com/
