Sulmuesi i Kombëtares, Mirlind Daku nuk la gjurmë të mira në Europianin e Gjermanisë dhe do të kujtohet për thirrjet me megafon kundër Maqedonisë.
Ai u ndëshkua nga UEFA me dy ndeshje pezullim dhe klubi ku ai luan në Rusi, Rubin Kazan reagoi ashpër asaj kohe.
Por duket se me mbarimin e turneut është harruar gjithçka. Rubin Kazan jo vetëm që nuk e ka gjobitur por edhe e ka nderuar sulmuesin kuqezi.
Sezonin e kaluar Daku ka mbajtur veshur fanellën me numër 19 ndërsa sezonin e ri do të ketë numrin 10. Këtë e ka bërë të ditur vetë ai përmes disa fotove të postuara në rrjetet sociale.
