Analizat e tij per futbollin jane gjithmone te mirepritura. Rudi Vata i thote gjerat hapur, ashtu si i mendon dhe fjala e tij ka peshe. Ai eshte rikthyer te flase se fundi edhe per Vllaznine dhe startin e saj te kampionatit, duke vleresuar pikat e forta por edhe te dobeta. Nje gje te tille e ka bere gjate emisionit “Ora Sport” te moderuar nga Vjosana Nozllaku.
“Te Vllaznia nuk me pelqeu pjesmarrja ne Europe. Ndeshja ne Shkoder me ka lene shije shume te keqe. Sa i takon kampionatit shqiptar, ajo zhvillon nje loje pergjithesisht solide. Ka marre nje trajner i cili ka qene edhe me perpara aty, ka pase ato situatat e veta, u largua me polemika dhe tani e kane kthyer serish.
Nuk e di pse e kane kthyer sepse mendoj qe me trajnerin e meparshem Osmanin ishin me te qete, me te organizuar dhe me te sistemuar si skuader. Gjithsesi Vllaznia ka pretedimet e veta, mund te dali edhe kampione e Shqiperise, nuk eshte e pamundur. Por i duhet shume pune, shume kilometra ne stervitje.
Ka nje bosht skuadre te perbere nga lojtare me eksperience, ka Balajn- liderin e sulmit, kane kthyer Krymin- liderin e mesfushes, por nderkohe qendra e mbrojtjes me duket se ka defiçite dhe nuk eshte e sigurte. Po ashtu ka shume probleme edhe ne krahet e mbrojtjes me largimet e Smajlit dhe Hakajt.
Eshte shume e veshtire per t’i zevendesuar ato te dy sepse kane qene lojtare qe e kane marre fundoren shpesh. Mendoj se Gurishta ne kete rikthim nuk eshte ai Gurishta kur u largua prej Vllaznise. Ka disa defekte, por te gjitha klubet shqiptare jane me defekte. Shpresoj qe kjo periudhe pushim t’i sherbeje per mire sepse humbja ne Korçe nuk eshte pritur mire nga tifozet shkodrane.
Eshte fillimi i kampionatit dhe duhet pritur. Vllaznia ka emer te madh, por duhet shume pune e sakrifice. Futbollistet duhet te japin maksimumin per te arritur objektivat dhe per te ndryshuar pak imazhin sepse Vllaznia ke nevoje per nje titull kampion. Vit per vit ne Shkoder flitet per titullin kampion, por nuk po e sjellin. Kjo energji i mungon ketij qyteti dhe keto djem kane nje pergjegjesi te madhe, por do te jete shume e veshtire sepse te gjitha skuadrat jane forcuar dhe kane investuar”- eshte shprehur Rudi Vata./www.shkodrasport.com/
