Neymar do të rikthehet, për të disatën herë. Retë më në fund kanë filluar të pastrohen. Sipas shtypit brazilian, kthimi në fushë i ish-lojtarit të Paris Saint-Germain dhe Barcelonës tashmë është i afërt. Më shumë se një muaj pasi pësoi një dëmtim të ri në kofshë në ndeshjen kundër Atlético Mineiro, kampioni i lindur në vitin 1992 duhet të udhëtojë me shokët e tij javën e ardhshme për të luajtur ndeshjen e Copa do Brasil kundër Clube de Regatas, e cila do të luhet më 23 maj.
Një rikthim që mund të përshpejtojë edhe negociatat për rinovimin e kontratës. Marrëveshja tani është shumë afër, Neymar është distancuar nga ideja për t’u rikthyer në Evropë dhe mund të nënshkruajë deri në Kupën e Botës 2026.
Drejtuesit e dinë mirë se sa e rëndësishme është mbajtja e një lojtari të këtij niveli, nga pikëpamja sportive dhe financiare. Autor i 3 golave dhe 3 asistimeve në 7 ndeshje që nga rikthimi i tij, Neymar synon të realizojë ëndrrën e tij për të luajtur një Botëror të fundit.
Ky lajm gëzon edhe Carlo Ancelottin, trajnerin e ri të Seleçaos, i cili nuk ka siguri dhe pikë fikse për të nisur në mënyrën më të mirë aventurën e re. Shpresa, për trajnerin italian dhe për miliona tifozë brazilianë, është që Neymar të mund të rekrutohet sa më shpejt të jetë e mundur dhe të sjellë më shumë magji në fushë.
