Tek Vllaznia e sezonit të ri më së shumti syte duket se do te jene te perqendruar tek dy futbollistet e ardhur se fundi nga merkatoja, pikerisht Lirim Kastrati dhe Sherif Kallaku. Ky i fundit aktualisht eshte edhe futbollisti me vleren me te madhe ne treg.
Faqja e njohur “transfermarkt” e vlereson mesfushorin 700 mije euro dhe ne kete menyre ai behet futbollisti me i shtrenjte tek Vllaznia. Ne vend te dyte eshte Esat Mala qe vleresohet 400 mije euro, ndersa vendi i trete ndahet nga dy futbolliste, portieri Aron Jukaj dhe mbrojtesi Alexandros Kouro.
Te dy ata vleresohen nga 300 mije euro, nderkohe qe pas tyre vijne me rradhe te tjeret. A eshte nje vleresim i tille realiteti i gjendjes dhe potencialit te ketyre lojtareve? Ne jo pak raste edhe jo, megjithate deri diku referon moshen dhe vleren e secilit.
Pikerisht per kete arsye, pritshmerite per Sherif Kallakun jane te medha dhe si rrjedhoje ai duhet ta tregoje kete gje ne fushen e lojes. Tifozet mezi e presin ta shohin duke luajtur dhe duke i dhene Vllaznise fantazine qe i mungonte. Kujtojme qe pas largimit te Zabergjes, mesfushori kuqeblu ka vleren e dyte me te madhe nder futbollistet e Superiores, ku ne vend te pare eshte Rowan Human i Partizanit, vlera e te cilit eshte 850 mije euro.(www.shkodrasport.com)
