Tiago Mota ka vendosur se Federiko Kieza nuk është i domosdoshëm për skuadrën e tij.sancoFakti që edhe sulmuesi në orët e fundit ka dalë në kundërsulm të klubit duke kërkuar 10 milionë euro neto për rinovimin, pasi “Zonja e Vjetër” i ofroi 7, trajneri i ri i Juventusit ka dhënë ultimatumin e tij se futbollisti mund të dalë në shitje.
Madje, “timonieri” i bardhezinjve e ka individualizuar edhe zëvendësuesin e 26-vjeçarit, duke bërë emrin e Xhejdën Sanços. Futbollisti në pronësi të Mançester Junajtid është rikthyer në bazë, pas huazimit në sezonin e kaluar te gjermanët e Borusia Dortmund.
Te “Djajtë e kuq” gjithsesi anglezi nuk duket se do të konfirmohet, pasi 24- vjeçari nuk hyn në planet e trajnerit të konfirmuar, Erik Ten Hag, dhe pa dyshim që është gati të ribëjë valixhet, në varësi të ofertës më të mirë.
Në Dortmund sigurisht që e duan sërish, por këtë herë nuk do të pranohet me një ofertë huazimi, por duhen para kesh. Baza e kërkesës, 35 milionë euro, ndonëse në Torino besojnë se mund ta ulin pretendimet deri në 25.
