Nga Maringlen ZHIVANI
Pas ndeshjes së ditës së shtunë Kastrioti-Burreli nuk kanë munguar polemikat për gjykimin. Skuadra e drejtuar nga trajneri shkodran Samuel Nikaj pretendon se iu anuluan gola të rregullt, iu mohua një penallti dhe iu dha padrejtësisht një karton i kuq.
Përfaqësuesit e klubit e kanë cilësuar këtë si një “katastrofë” dhe “maskaradë”, duke paralajmëruar se çështja do t’i dërgohet Federatës. Në klub e konsiderojnë këtë si një padrejtësi flagrante që ka ndikuar drejtpërdrejt në renditje. Ndërkohë që, drejtuesit e skuadrës së Burrelit kërkojnë reagim të menjëhershëm nga institucionet e futbollit shqiptar.(www.shkodrasport.com)
