Pas tre humbjeve ne ndeshjet e para te kampionatit, me ne fund vjen fitorja e pare per Vllaznine e basketbollit te meshkujve. Mbremjen e sotme ajo ka triumfuar ne shifrat 81-77 ndaj Kamzes ne takimin e luajtur ne pallatin e sportit “Qazim Dervishi” te Shkodres.
Takimi ka nisur me rivalitet dhe kete e tregon me se miri rezultati 22-22 i sigluar ne fundin e periodes se pare. Ne te dyten, jane shkodranet ata qe luajne me mire dhe si rrjedhoje e fitojne kete periode me rezultatin 23-19 dhe ne kete menyre ata shkojne ne pushimin e ndeshjes me nje diference prej 4 pikesh ne favorin e tyre.
Kjo epersi do te ruhej deri ne fundin e takimit sepse dy periodat e tjera te ndeshjes, e treta dhe e katerta do te mbylleshin serish ne barazim, konkretisht 19-19 dhe 17-17. Ne kete menyre i gjithe takimi u fitua nga kuqeblute e trajnerit Damian Bekteshi me rezultatin e pergjithshem 81-77.
Me i miri per Vllaznine ne kete ndeshje ka qene qendra Walton me 23 pike te shenuara, nderkohe qe piket e tjera jane shenuar nga Wilkins (14), Rakaj (13), Shestani (13), Lenoir (9), Memçaj (6) dhe Wright (3)./www.shkodrasport.com/
