Vllaznia e basketbollit te meshkujve nuk ndalet ne firmat me lojtaret qe do ta perfaqesojne ate ne sezonin e ri. Pas dy amerikaneve qe firmosen diten e djeshme Michael Lenoir dhe Michael Wright si dhe rinovimit me Dyquavis Williams, ka ardhur nje tjeter firme e rendesishem.
Kete here behet fjale per nje basketbollist qe e njohim mire te gjithe, shkodranin Robert Shestani. Pasi u shpall kampion sezonin e kaluar me ekipin e Beselidhjes, ai ka vendosur te rikthehet tek skuadra ku e nisi karrieren dhe padyshim qe ky eshte nje perforcim shume i rendesishem per kuqeblute.
Firmen me Shestanin e ka bere te ditur vete Shoqata e Basketbollit Vllaznia permes nje njoftimi ne faqen e saj zyrtare ku shkruan:
“Jemi të jashtëzakonisht të lumtur të njoftojmë rikthimin e Robert Shestanit në Shoqatën e Basketbollit Vllaznia! Një lojtar i ekipit kombëtar dhe krenari e qytetit tonë, Shkodres, Shestani rikthehet në ekipin tonë pas tre viteve larg, pas eksperiences të tij të suksesshme me Besëlidhja Basket, ku ai u kurorëzua kampion vitin e kaluar.
Me paraqitjet e tij të shkëlqyera në ligat e Malit të Zi dhe Kosovës, Shestani ka treguar aftësi të jashtëzakonshme dhe një përkushtim të pashoq në fushë. Përvoja e tij e çmuar do të sjellë një energji të re në ekipin tonë, dhe ai do të luajë një rol kyç në frymëzimin dhe udhëheqjen e lojtarëve tanë të rinj, duke vendosur një standard të lartë për brezin e ardhshëm”.
