Vllaznia ne basketboll per meshkuj prek serish fundin e renditjes. Pas nje “ringjalljeje” te pak javeve me pare, duket se serish skuadra po vuan dhe si rrjedhoje mbreme ka pesuar humbjen e rradhes ndaj nje rivali direkt si Apolonia dhe pas javes se 15-te te kampionatit ndodhet ne vendin e fundit te tabeles se renditjes.
Ne sfiden e luajtur ne Fier, ne fakt ekipi shkodran e nisi me mire sesa vendasit dhe per kete arsye ne fund te periodes se pare u rregjistruan shifrat 23-16 ne favor te tij. Por vetem kaq sepse ne te dyten eshte Apolonia qe luan me mire dhe kthen gjithçka ne favorin e saj duke fituar 23-14 dhe duke shkuar ne pushimin e ndeshjes me nje avantazh prej 2 pikesh.
Nderkohe perioda e trete e ndeshjes eshte e gjitha per t’u harruar per Vllaznine sepse luan dobet, duke i dhene mundesine vendasve ta fitojne ate me rezultatin 28-20 dhe te shkojne ne 10 minuteshin e fundit te takimit me nje avantazh prej 10 pikesh.
Kjo i ka mjaftuar per ta administruar si duhet ate dhe ndonese shkodranet perpiqen, nuk ia dalin dot te fitojne ndeshjen sepse ne fund te kohes se rregullt vendosen shifrat 76-73 ne favor te Apolonise, e cila me kete fitore ngjitet ne vendin e katert te renditjes.
Per ekipin shkodran piket jane shenuar nga Willkins (17), Arnold (16), Wright (15), Walton (12), Memçaj (9) dhe Gjeçaj (4).(www.shkodrasport.com)
