Kevin De Bruyne është zyrtarisht lojtar i ri i Napolit që nga e enjtja. Njoftimi u bë nga presidenti Aurelio De Laurentiis me një postim në Tëitter që menjëherë i ndezi entuziazmin turmës, i ndjekur nga konfirmimi në rrjetet sociale nga mesfushori belg dhe njoftimi zyrtar për shtyp nga klubi italian.
Kanë mbërritur dhe disa deklarata nga ish-kampioni i Manchester Cityt: “Unë dhe Napoli ndajmë të njëjtën ambicie. Mendoj se është projekti i duhur për mua dhe do të punoj shumë për t’u siguruar që mund të jap kontributin tim për fitore.
Pas 10 vitesh në Angli, kjo është një përvojë e re për mua. Unë dhe familja ime jemi të emocionuar dhe mezi presim ta fillojmë ta jetojmë atë”.
Imazhet e para të Kevin De Bruyne si lojtar i Napolit datojnë të enjten. Mesfushori belg publikoi disa pamje nga takimi i tij i parë me Italinë, me mbërritjen e tij në Romë për vizita mjekësore dhe pritjen sensacionale të tifozëve të Napolit që u dyndën në rrugë. “Unë jam këtu”, shkroi lojtari.
