Milani po lëviz me vendosmëri në merkato për të gjetur një sulmues dhe një emër i nxehtë që po del në pah është ai i Moise Kean. Në orët e fundit, klubi kuqezi thuhet se ka bërë një studim fillestar për sulmuesin e Fiorentina-s, i cili sapo ka mbaruar një sezon të rëndësishëm me fanellën e Viola-s.
Kërkesa për të sjellë Kean në Milanello vjen direkt nga Massimiliano Allegri, i cili e njeh mirë lojtarin që nga koha e tij në Juventus dhe do të donte ta rikthente atë nën drejtimin e tij.
Megjithatë, ekziston një çështje thelbësore për t’u zgjidhur: ajo e kontratës së lojtarit. Kean ka një klauzolë lirimi prej 52 milionë eurosh, të vlefshme për dy javët e para të korrikut. Një shifër padyshim e lartë, por që duket se është e negociueshme.
Milani mund të përpiqet të përfshijë disa lojtarë në marrëveshje, siç është portieri Pietro Terracciano, një profil që Stefano Pioli, trajneri i ardhshëm i Viola-s, e pëlqen, duke e bërë operacionin më të arritshëm.
Pavarësisht pranisë në skuadër të Gimenez, i cili nuk gëzon besimin maksimal të Allegri-t, Milan-i është i vendosur t’i japë trajnerit të ri një “9 të vërtetë”, siç e kërkoi ai shprehimisht.
Kjo është arsyeja pse mund të ketë kontakte të reja midis palëve në ditët e ardhshme.
Kean, nga ana e tij, ende nuk i ka zgjidhur plotësisht rezervat për të ardhmen e tij, por mundësia e bashkimit me Allegri-n – trajnerit me të cilin debutoi në Serie A dhe nën drejtimin e të cilit ai shënoi 22 gola – mund të luajë një rol vendimtar, thekson Sportmediaset.
