Redian Loci, Petrit Selmani, Brajan Selmani, Santiago Selmani dhe Nazmi Selmani janë vënë në prangat e Policisë së Durrësit pasi në bashkëpunim me njëri-tjetrin kërcënuan për shkak të detyrës, presidentin e FSHF-së, Armand Dukën.
Bëhet me dije se Nazmi Selmani është Presidenti i klubit të futbollit Iliria, e cila militon në Kategorinë e Dytë në Shqipëri.
Sipas njoftimit të bluve mësohet se këta shtetas, të gjithë banues në Krujë më datën 30 gusht, rreth orës 21:30, kërcënuan me anë të një mesazhi telefonik, Armand Dukën. Këta shtetas nuk u ndalën me kaq, por më pas, rreth orës 22:30 ata i shkuan presidentit të FSHF-së në banesë me qëllim kërcënimin e tij.
Menjëherë pas marrjes së njoftimit Policia e Durrësit bëri të mundur arrestimin e pesë shtetasve si dhe procedimin në gjendje të lirë të dy të tjerëve, konkretisht shtetasve me ininciale A.S, 24 vjeç dhe A.S 39 vjeç.
Materialet i kaluan Prokurorisë Pranë Gjykatës Shkallës Parë të Juridiksionit të Përgjithshëm Durrës për veprën penale “Kanosja për shkak të detyrës” e kryer në bashkëpunim.
Njoftimi i plotë i Policisë:
Durrës
Kërcënuan me sms për shkak të detyrës 62-vjeçarin, Policia kap dhe vë në pranga 5 shtetas si dhe procedon penalisht dy të tjerë.
Specialistët për hetimin e Krimit në Komisariatin e Policisë Durrës bënë arrestimin në flagrancë të shtetasve:
R.L. 30 vjeç, P.S, 26 vjeç, B.S, 20 vjeç, S.S, 22 vjeç, dhe N.S, 57 vjeç, të gjithë banues në Krujë.
Si dhe u proceduan ne gjendje të lirë shtetasit A.S, 24 vjeç dhe A.S, 39 vjeç, të dy banues në Krujë.
Arrestimi dhe procedimi i tyre u bë pasi: Më datë 30.08.2024, rreth orës 21:30, kanë kërcënuar me anë të një mesazhi telefonik për shkak të detyrës shtetasin A.D, 62 vjeç, banues ne Durrës dhe më pas rreth orës 22:30, i kanë shkuar te banesa, me qëllim kërcënimin e tij.
Pas marrjes së njoftimit, shërbimet e Policisë organizuan punën, duke lokalizuar, kapur dhe shoqëruar në Komisariat personat e dyshuar.
Në përfundim të veprimeve të para hetimore u bë arrestimi në flagrancë i pesë shtetasve dhe procedimi në gjendje të lirë i dy të tjerëve.
Materialet i kaluan Prokurorisë Pranë Gjykatës Shkallës Parë të Juridiksionit të Përgjitheshëm Durrës për veprën penale “Kanosja për shkak të detyrës” e kryer në bashkëpunim.
