Trajnerit të Barcelonës, Hansi Flik iu desh vetëm një ndeshje zyrtare për ta bërë të qartë se ai nuk po bënte bllof kur shpalli që nga dita e parë angazhimin e tij ndaj të rinjve që vijnë nga akademia e klubit, e njohur si “La Masia”.
Pulsi i trajnerit gjerman nuk iu drodh në debutimin e tij zyrtar në La Liga, duke nxjerrë gjithsej pesë “fëmijë” nga akademia në fushë (Lamine Jamal, Kubarsi, Balde, Bernal dhe Kasado), nga të cilët tre prej tyre (Lamine, Kubarsi dhe Bernal) nuk janë ende në moshë madhore, duke qenë vetëm 17 vjeç.
Dhe për t’i bërë gjërat edhe më të ëmbla, Mark Bernal përmbushi gjithashtu ëndrrën e tij për të debutuar në ekipin e parë nga dera e madhe: në formacionin titullar që u hodh në Valencia. Ai nuk ishte i vetmi që përmbushi ëndrrën për të bërë debutimin e tij në ekipin e parë. Në pjesën e dytë Pau Viktor dhe Gerard Martin u hodhën në fushë, duke përfunduar një tripletë debutimesh te Barcelona. Para Hansi Flikut, nuk kishte pasur kurrë një precedent si ky në historinë e klubit, ku një trajner të debutonte në ndeshjen e tij të parë zyrtare, duke i dhënë debutimin tre të rinjve të nga akademia. Është e qartë se gjendja financiare e klubit e ka detyruar Flikun të marrë disa vendime të forta, por edhe se domosdoshmërinë po e kthen në virtytin e tij më të mirë.
Angazhimi i tij ndaj të rinjve po shpërblehet që në ditën e parë, me dyshen BernalKasado – – titullarë në Valencia – si një shfaqje e madhe e besimit të tij absolut në këtë “bast” të fuqishëm. Për ta kuptuar kontekstin e rëndësisë së asaj që u pasqyrua të shtunën në Valencia, mjafton të përmendim se as Guardiola, as Johan Krojf, as Luis Enrike dhe as Ksavi, “totem”-ët e mëdhenj të tifozëve të Barcelonës në dyzet vitet e fundit, nuk ishin të aftë për një gjë të tillë, të tregonin kaq shumë guxim në ndeshjen e tij të parë zyrtare. Sipas rendit kronologjik, Krojf bëri debutimin e tij si trajner i Barcelonës në një derbi kundër Espanjolit më 3 shtator 1988 (2-0), duke i dhënë debutimin Gujermo Amor. Guardiola i dha debutimin vetëm një lojtari të ri në ndeshjen e parë të Pep në stolin e Barcelonës, qendërmbrojtësi Xherard Pike. Luis Enrike e bëri me Munir, ndërsa Ksavi me Akomah.
