Presidenti i Barcelonës, Joan Laporta, bëri disa deklarata për “Mundo Deportivo”, duke u ndalur ndër të tjera edhe te ndryshimet midis menaxhimit të klubit të tij dhe atij të rivalëve Real Madrid:
“Ne kemi një qasje dhe shpirt thellësisht të ndryshëm. Ata mishërojnë një ndjenjë fuqie, ndërsa ne çojmë përpara një identitet të fortë. Secili mbron atë në të cilën beson.
Rivaliteti ynë lind nga respekti i ndërsjellë dhe krenaria institucionale. Baza jonë është zhvillimi i të rinjve, ne kultivojmë talente që dalin nga brenda. Ata në vend të kësaj veprojnë më shumë përmes tregut, rrallë duke prodhuar lojtarët e tyre. Kjo na bën krenarë për atë që jemi. Ne jemi më shumë sesa thjesht një klub”.
Le të kujtojmë se në kampionat këtë vit ishin katalanasit ata që i mposhtën madrilenët, me “blaugranët” që fituan Ligën me 88 pikë, ndërsa “Los Blancos” përfunduan të dytët me 84 pikë.
